Ромео һәм Джульетта/ Ромео и Джульетта/ Шәрык клубы кинотеатры

Автор: У.Шекспир

Ф. Бикчәнтәев шәхесенең сәнгать дәрәҗәсе милли күренеш кысалары белән генә чикләнмәгәнлеген, гомумрусия әһәмиятенә ия икәнлегенә шик-шөбһә тумый бугай. Ф. Бикчәнтәевнең режиссерлык концепциясенең, кем әйткәндәй, сәхнәләштерү орлыгы нәрсәдә соң? Трагедия проблемасын бүген кабул итү өчен мөмкин кадәр якынайтуда, пьесада тарихи үткәнне һәм бүгенгене бербөтен, итеп төйни ала торган вакыйгалар бәрелешен билгеләүдә; шул ук вакытта драматург Шекспирга югары дәрәҗәдә ихтирам һәм илтифат күрсәтүдә; театрның спектакль авторлыгы мәсьәләсендә әдәби әсәрдә өстен торуын аңлап, сәхнә вакыйгасының ике катламын: эчтәлек һәм нык метафора бергәлеген, уен һәм интеллектуаль театр башлангычларының бергә кушылуын тәэмин итүдә.