22 сентябрьдә Г.Камал исемендәге Татар дәүләт Академия театрының архитектура концепциясен эшләү буенча ачык Халыкара бәйгедә катнашу өчен гаризалар кабул итү төгәлләнде. Бәйгедә 537 архитектор катнашты. Театрның яңа бинасы концепциясен эшләүгә, проектлары бөтендөньяга билгеле булган бюролар да дәгъва итә. Бәйге кагыйдәләре буенча, алар архитектура һәм шәһәр төзелеше өлкәсендә халыкара конкурслар турындагы ЮНЕСКО стандартларына таянырга тиеш — командалар жюри һәм экспертлар советы өчен аноним булып калачак.
22 сентябрьдә Г.Камал исемендәге Татар дәүләт Академия театрының архитектура концепциясен эшләү буенча ачык Халыкара бәйгедә катнашу өчен гаризалар кабул итү төгәлләнде. Бәйгедә 537 архитектор катнашты. Театрның яңа бинасы концепциясен эшләүгә, проектлары бөтендөньяга билгеле булган бюролар да дәгъва итә. Бәйге кагыйдәләре буенча, алар архитектура һәм шәһәр төзелеше өлкәсендә халыкара конкурслар турындагы ЮНЕСКО стандартларына таянырга тиеш — командалар жюри һәм экспертлар советы өчен аноним булып калачак.
Катнашучылар гаризаларны theatre.tatar сайтына җибәрде. Конкурсантлар, ким дигәндә, 5 проекттан торган портфолио һәм эсселар тәкъдим иттеләр. Анда Камал театрының яңа бинасын эшләү алымнары тасвирлана. Мөһим шарт: уникаль имиджны, милли үзенчәлекне, гореф-гадәтләрне һәм Кабан күле ярында урнашуны исәпкә алу.
Бәйгегә 26 консорциум гариза бирде — бәйге кагыйдәләре буенча чит ил архбюролары Россия компанияләре белән берләшә, 13 индивидуаль конкурсант -Россия Федерациясе территориясендә эшләүче юридик затлар һәм эшкуарлар.
Конкурсантларның географиясе киң. Катнашучылар арасында Россиянең 59 компаниясе Екатеринбург, Казан, Махачкала, Мәскәү, Яр Чаллы, Түбән Кама, Ростов-на-Дону, Санкт-Петербург, Сочи, Уфа. Конкурста шулай ук Алма-Ата, Барселона, Больцано, Брюссель, Вена, Гааги, Ившем, Лондон, Мумбаи, Нант, Нью-Йорк, Париж, Рим, Токио, Флоренция, Чикаго, Шанхай, Штутгарт компанияләре катнаша.
Октябрьдә Казан мэры Илсур Метшин рәислегендәге жюри 7 финалистны билгеләячәк, алар театрның яңа бинасы проектларын тәкъдим итәчәк. Җиңүче 2022 елның 3 февралендә игълан ителәчәк.
Исегезгә төшерәбез, 23 июльдә Камал Театрының Зур сәхнәсендә театрның архитектура концепциясен эшләү буенча ачык Халыкара бәйгегә старт бирелде.
Бәйгенең инициаторлары-Татарстан Республикасы Президенты Рөстәм Миңнеханов һәм Г.Камал исемендәге Татар дәүләт Академия театры. Бәйге Татарстан Республикасы Хөкүмәте, Татарстан Республикасы Мәдәният министрлыгы, Казан шәһәре Башкарма комитеты һәм «Татарстан Республикасы шәһәрләрен үстерү институты» фонды ярдәме белән үткәрелә. Конкурсның операторы - «Үзәк Lab»халыкара урбанистика лабораториясе.
