Кадерле тамашачылар!

Сезнең белән зур яңалыгыбызны уртаклашабыз! Бүгеннән безнең сайтта электрон бүләк сертификатлары сатуга чыга. Аны алу өчен сылтамага гына басырга кирәк, номинальне сайлагыз (2 000, 3 000, 5 000 яки 10 000 сум) һәм шәхси мәгълүматларны тутырыгыз.

Сертификатларны спектакльләргә билетлар сатып алганда файдаланырга мөмкин. Билетны сертификат белән түләү мөмкинлеге kamalteatr.ru, kzn.ticketland.ru, live.mts.ru сайтларында каралган. Моның өчен кәрзингә билетлар өстәргә һәм түләү ысулын сайларга кирәк. Аннары "Бүләк картасы" дигән төймәгә басып, бүләк сертификаты кодын кертергә һәм "Кулланырга" төймәсенә басарга кирәк.

Сертификатның балансын һәм гамәлдә булу вакытын Ticketland һәм Live MTS сайтларында тикшерергә мөмкин. Сертификатны суммасы беткәнче күп тапкыр файдаланырга мөмкин. Тик берничә бүләк сертификатыгыз булса, аларны берләштереп булмый.