2019 елның 10-15 сентябрендә Г.Камал исемендәге Татар дәүләт Академия театры сәхнәсендә, Гастрольләр эшчәнлегенә ярдәм күрсәтүче Федераль үзәк ярдәме белән, "Зур гастрольләр" программасы кысаларында Дәүләт академия Малый театрының гастрольләре үтә.

Яңа сезонда Малый театр Казанга өч спектакль алып килә, алар һәркайсы ике көн уйнала. Үткән сезон премьерасы - В.Дельмарның "Дальше - Тишина" спектакле, Н.В Гогольның "Женитьба" комедиясе,  А.Н.Островскийның «Не все коту масленица» спектакле.  Камал театры сәхнәсенә Малый театрның әйдәп баручы артистлары чыгачак: Ирина Муравьева, Людмила Полякова, Владимир Носик, Валерий Афанасьев, Владимир Дубровский, Александр Ермаков, Александр Вершинин, Глеб Подгородинский, Виктор Низовой һ.б.

10 сентябьдә 12:00 сәгатьтә Камал театрының конференцияләр залында (301 б.) гастрольләргә багышланган матбугат конференциясе үтә. Конференциядә катнашалар:

·​ СССР халык артисты, Малый театрның сәнгать җитәкчесе
​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​Юрий Мефодьевич Соломин;
·​ Россиянең халык артисты, Дәүләт академия Малый театры артисты
                         Людмила Петровна Полякова;
· ​Россиянең халык артисты, Дәүләт академия Малый театры артисты
                         Владимир Бенедиктович Носик;
·​ Россиянең һәм Татарстанның атказанган сәнгать эшлеклесе, Г.Камал театрының баш режиссеры
                         Фәрит  Рәфкать улы Бикчәнтәев.

Матбугат конференциясендә фото, видеолар, шулай ук, спектакльләргә чакыру билетлары да алырга мөмкин булачак. Аккредитация үтү өчен электрон почта - pr@kamalteatr.ru​ һәм телефон номерлары - 293-83-18, 8927-446-45-42 (Илшат Латыйпов). Хатта матбугат чарасының исемен, җурналистның исем-фамилиясен күрсәтүегезне сорыйбыз.