13 сентябрьдә Камал театры Брест шәһәрендә үтәчәк "Белая Вежа" XXX Халыкара театр фестивалендә катнаша. Брест Академия Драма Театры сәхнәсендә камаллылар Фәрит Бикчәнтәев куелышында "Күңелем кукурузы" спектаклен уйный. Фестивальдә 11 илдән килгән 31 спектакль катнаша. Алар арасында Әзербайҗан, Әрмәнстан, Беларусь, Болгария, Грузия, Казахстан, Кытай, Кыргызстан, Монголия, Россия һәм Үзбәкстаннан театрлар бар.

Хәтерләсәгез, "Күңелем кукурузы" спектакле Венгриядә узган MITEM Халыкара фестивалендә катнашкан иде инде.