«Мәскәү татарлары Штабында» Г. Камал театры артистлары белән очрашу узды. Очрашу Г.Камал театрының татар милләте тормышындагы роленә багышланды. 
«Г. Камал театрының Мәскәүдә ике елга бер оештырылган иҗади сәфәрен зур дулкынлану белән көттек. Театрның һәр артисты, һәр спектакле безнең өчен бик якын. Шуңа артистлар белән традицион очрашу оештырырга булдык», - диде «Татар Штабы» координаторы Гөлнара Яруллина.
«Мәскәү татарларына, тел һәм мәдәниятне саклау өчен, татар театры кирәк. Театр зур мегаполиста безнең мәдәни оазиска әверелер иде. Камал театры гастрольләрен дә ел саен үткәрергә кирәк. «Ак калфагым төшердем кулдан» спектакле татарларның күп кенә глобаль проблемаларын күрсәтте», – диде «Татар штабы» лидеры Рөстәм Ямалиев.