Нәни дустыбыз!  Җәйге каникулларны кызыклы һәм файдалы үткәрергә телисең икән, безгә кушыл! Шәрык клубы Камал театры белән берлектә "КЕЧТҮК" балалар өчен театраль мастер-классларга язылуны ачык дип игълан итә! 7-18 август! Дускай, сине театр дөньясына 10 көнлек мавыктыргыч сәяхәт көтә!

Һәр көн аерым темага багышланачак: Актер, Рәссам, Режиссер, Драматург, Грим, Бию һәм башка юнәлешләр. Шулай ук, бу көннәр сәхнә хәрәкәте, актерлык осталыгы, макет ясау буенча мастер-классларга һәм спектакль чыгаруда зур өлеш кертүче шәхесләр белән очрашуларга бай булачак! Уен формасында Син кызыклы тарихлар сөйләргә өйрәнерсең. Импровизация осталыгын үзләштерерсең. Дикция һәм артикуляция буенча да тренинглар узачак. Сәхнәдә үзеңне артист итеп тә тоярсың.

Театр ничек һәм кайчан туган? Аның эшчәнлеге нидән гыйбарәт? Бу сорауларга да җавап табарсың. Камал театры артистлары сәхнә серләре белән уртаклашыр. Татар халкының милли традицияләре һәм йолалары да игьтибарсыз калмаячак.

9-13 яшьлекләр өчен.

Ашыгыгыз! Урыннар саны чикле!

Бәясе һәм башка сораулар буенча:
89393061812 - Таңсылу
89375853150 - Гөлдания
(843) 200 12 37 номерларына шалтыратуыгыз сорала.

ТЕРКӘЛҮ