14 октябрьдә Камал театрының Кече сәхнәсендә «Музыка&Драма» проекты кысаларында театрның 1920-30 нчы еллардагы эшчәнлегенә багышланган яңа музыкаль-әдәби программа премьерасы була.

«Якты өмет җыры» программасына татар театры эшчәнлегендә актив катнашкан, татар музыкасына нигез салган композиторларның музыкаль әсәрләре керәчәк. Алар арасында С.Габаши, В.Виноградов, С.Сәйдәшев, М.Мозаффаров, Җ.Фәйзи, А. Ключарев һ.б. Шулай ук, 1920-30 нчы елларда популяр булган скрипкачылар М.Яушев һәм Г.Биккенин, гармунчы Ф.Туишев, мандолинист И. Илялов, беренче татар җырчылары З.Байрашева, С.Садыйкова, Ф.Насретдинов репертуарыннан әсәрләр башкарылачак.

Ул вакытта популяр булган «Галиябану», «Наемщик», «Ташкыннар», «Шәмсекамәр», «Яшь йөрәкләр» һәм башка спектакльләргә язылган музыкалар яңгыраячак.

Кичәнең режиссеры - Татарстанның халык артисты Радик Бариев. Сценарий авторы - Резеда Гобәева. Театр оркестрының баш дирижеры һәм сәнгать җитәкчесе - Данияр Соколов.

Билет алырга 

Касса: (843) 293-03-74