9 декабрьдә Г.Камал исемендәге Татар дәүләт Академия театрының Зур сәхнәсендә Театр коллективларының Ш.Закиров исемендәге XIX Төбәкара "Идел-йорт" театр коллективлары бәйгесе җиңүчеләре игълан ителә. Бәйгега ТР Сарман районы Мәдәният йорты халык театры Т.Гыйззәт әсәре буенча куелган "Кыю кызлар" спектакле белән йомгак ясый. Бәйгене оештыручылар: ТР мәдәният министрлыгы, Бөтендөнья татар конгрессы һәм Г.Камал исемендәге Татар дәүләт Академия театры.

Шамил Зиннур улы Закиров исемендәге XIX Төбәкара «Идел-йорт»  театр коллективлары бәйгесе  Татарстан Республикасы халыкларының һәм Россия Федерациясе территориясендә яшәүче татар халкының һәвәскәр театр сәнгатен үстерү максатыннан үткәрелә.

Конкурс өч турда уза. Беренчесе Татарстан Республикасы муниципаль районнарында һәм Россия Федерациясе төбәкләрендә узды. Анда барлыгы 250 театр коллективыннан 2 меңнән артык кеше катнашты. Шулар арасыннан 40 коллектив киләсе турга үтте.  Икенче сайлап алу туры 2019 елның 11 мартыннан 29 апреленә кадәр Яр Чаллы, Минзәлә, Бөгелмә, Чистай, Әлмәт, Буа шәһәрләрендә, Әтнә һәм Теләче районнарында узды. Ә өченче йомгаклау туры 15 октябрьгә кадәр дәвам итте. 

БИЛЕТ АЛЫРГА КАССА: (843) 293-03-74