5 июндә, 19.00 сәгатьтә К.Тинчурин исемендәге татар дәүләт драма һәм комедия театры бинасында Төрки халыкларының XIV «Нәүрүз» халыкара фестивале кысаларында Әлмәт татар дәүләт драма театры «Тынлыкта гына урын бар» спектаклен тәкъдим итә. 

Күпкә киткән нәрсәнең кадере булмый. Сүзнең кадере кайчан бетте? Ни өчен гаилә тормышы турында меңәрләгән китаплар, телетапшырулар, фильмнар, психологик тренинглар чыгуга карамастан аерылышучылар саны елдан-ел арта? Ни өчен сугыш китергән бәла-казалар турында миллионлаган сүз әйтелгән булса да, дөньяда сугышлар туктап тормый? Ни өчен татар теле, мәдәниятен үстерү турында бертуктаусыз сөйләп-язып торуга карамастан чынлыкта телне куллану даирәсе көннән-көн тарая?

Ни өчен без: «Чын дөресен әйткәндә», — дибез дә, ялганлый башлыйбыз? Ни өчен күп кешенең үз фикере, үз сүзе юк? Ни өчен без кемдер безнең өчен бер калыпка салып куйган штамплар белән сөйләшәбез? Ни өчен сүзләр безгә бәйле түгел, киресенчә, без аларга бәйле була башладык?

Әлеге спектакль шушы сорауларны куя һәм аларга җаваплар эзли.

ФЕСТИВАЛЬ ТУРЫНДА