Кадерле тамашачылар! "ӘЛЕ..." проектының яңа сезоны ачыла. Беренче сезонда без төрле өлкәләрдән кунаклар чакырдык: музыка, икътисад, хореография һ.б. Икенче сезонынны татар сәхнәсе аксакалларына багышларга телибез. Проектның максаты шул ук кала - татар мәдәниятен һәм театрын популярлаштыру, сәхнә сәнгатенә һәм татар дөньясы проблемаларына игътибарны җәлеп итү, телне саклау һәм үстерү. Яңа сезон чыгарылышларын театрыбызның яшь артистлары алып барачак.

Шулай итеп, "ӘЛЕ..." яңа сезонының беренче кунагы - легенда, Россиянең һәм Татарстанның халык артисты Әзһәр ШАКИРОВ! Әзһәр абый белән без хәзерге татар музыкасы, аның яраткан роле, Камал рухы турында һәм башка күп кенә темаларга сөйләштек.

Интервью Татар телендә узды. Видео көйләүдә рус субтитрлары бар.