Кичә, 14 февральдә, Казанда “Яшь йөрәкләр” спектакле белән Әлмәт татар дәүләт драма театрының гастрольләре ачылды. Г.Камал театрының Зур сәхнәсендә сәламләү сүзе белән Россиянең атказанган, Татарстанның халык артисты Илдар Хәйруллин, Татарстанның халык артисты Луара Шакирҗанова, Әлмәт театрының директоры Фәридә Исмәгыйлева, баш режиссеры Ильяс Гәрәев, Татарстанның халык артисты Рафик Таһиров һәм Татарстанның атказанган артисты Наилә Мифтахетдинова чыгыш ясады.