Кичә ТР Премьер-министры урынбасары Ләйлә Фазлыева һәм ТР мәдәният министры Ирада Әюпова мәдәният, сәнгать хезмәткәрләренә дәүләт бүләкләрен тапшырдылар. Бүләкләү тантанасы Дәүләт сынлы сәнгать музеенда үтте. Г. Камал театры актрисасы, Татарстанның халык артисткасы Венера Шакирова "Фидәкарь хезмәте өчен" медале белән бүләкләнде. Грим-чәчтараш цехы җитәкчесе Рәшидә Хисмәтова "Татарстан Республикасының атказанган мәдәният хезмәткәре" дигән мактаулы исемгә лаек булды.
Чын күңелдән котлыйбыз һәм хезмәттәшләребезнең уңышлары белән горурланабыз!