Кичә Мәскәүдә Татарстан Республикасы мәдәнияте Көннәре ачылды. Мәскәүнең Халыкара музыка йортында Г.Камал исемендәге Татар дәүләт Академия театры афишаларыннан күргәзмә оештырылды. 
Шунда ук фотозона эшләде: теләгән һәркем театр артистлары белән фотога төшә алды. Артистлар легендар "Сәйяр" труппасы вәкилләре булып киенгәннәр иде. Мәдәният Көннәре республиканың сәнгать осталары катнашында гала-концерт белән дәвам итте. Чарада Татарстан Республикасы Президенты Рөстәм Миңнеханов та катнашты.