Бүген Камал театрының Кече залында иҗади лаборатория узды. Һәвәскәр театр коллективлары вәкилләре өчен камаллылар мастер-класслар һәм "Шәрык клубы" комплексы буенча экскурсия үткәрде. 

ТР халык артисты Фәнис Җиһанша актерлык осталыгы буенча тренинг үткәрде, театрның әдәби бүлек мөдире Гөлшат Фәттахова драматургия серләре белән уртаклашты, ә театр директоры Илфир Якупов цехлар эше, МХАТ студия-мәктәбе күргәзмәсе турында сөйләде һәм катнашучыларның сорауларына җавап бирде.

Чара Театр коллективларының Шамил Закиров исемендәге төбәкара "Идел йорт" фестиваль-бәйгесе кысаларында узды.