17-27 майда Казанда "Город АРТ-подготовка" лабораториясе үтә. Әлеге проект кысаларында Мәскәү режиссеры Дмитрий Акриш Камал театры артистлары белән И.Н. Салаховның "Кара калыма" әсәре буенча спектакль эскизы әзерли. Тамаша 26 һәм 27 майда "Угол" иҗат лабораториясендә күрсәтелә. Эскизның кураторы — журналист һәм музыкант Рәдиф Кашапов.

Эскизда катнашалар: Татарстанның халык артисткасы Зөлфирә Зарипова, Татарстанның атказанган артисткасы Алсу Каюмова, Татарстанның атказанган артисты Алмаз Сабирҗанов, шулай ук Эмиль Талипов, Ришат Әхмәдуллин, Гүзәл Гюльвердиева һәм Алмаз Борһанов.

Камал театры «Города АРТ-подготовка» лабораториясенең һәм «Живой город» үткәргән башка проекларның да даими катнашучысы. Узган ел шушы проект кысаларында Гоголь-үзәкнең яшь режиссеры Евгений Беркович Камал театры артистлары белән архив материаллары буенча «Заман тавышларын тыңлаганда» спектакле эскизын тәкъдим иткәннәр иде.