Бүген ТР Милли музеенда Муса Җәлил исемендәге Дәүләт премиясен тапшыру тантанасы узды. Комиссия карары белән Камал театры артистлары, ТРның атказанган артисты Фәннүр Мөхәммәтҗанов һәм Ләйсән Гатауллина "Болганчык еллар. Мөхәҗирләр" спектаклендәне рольләре өчен премия лауреатлары булдылар. Фәннүр белән Ләйсәнне лаеклы бүләкләре белән чын күңелдән котлыйбыз!

М.Җәлил исемендәге Республика премиясе ТР Министрлар Кабинеты карары нигезендә 2 елга бер мәртәбә сәнгать, фән, мәгариф өлкәсе үсешенә, яшьләр проектларын тормышка ашыруга зур өлеш кертүче 4 кешегә бирелә.