Кичә, 22 сентябрьдә, Г.Камал исемендәге Татар дәүләт Академия театры XVIII Халыкара Волков фестивале кысаларында Г.Камал әсәре буенча куелган “Банкрот” спектаклен тәкъдим итте.
Исегезгә төшерәбез, 14 сентябрьдә Волков фестиваленең ачылу тантанасында Г.Камал исемендәге Татар дәүләт Академия театрына Россия Федерациясе Хөкүмәте премиясе тапшырылды. Премияне Ф.Волков исемендәге Россия дәүләт Академия театры сәхнәсендә Г.Камал театрының директоры Илфир Якуповка һәм Россиянең һәм Татарстанның халык артисты Ринат Таҗетдиновка тапшырдылар.