Дуслар! 
113нче сезон ачылыр алдыннан без Галиәсгар Камал театры спектакльләре геройларын гәүдәләндерү буенча конкурс игълан итәбез! 
Конкурста катнашу өчен: 
1. Камал театрының берәр спектакленнән яраткан героегыз булып киенергә һәм фотосурәткә төшәргә. Сез гәүдәләндергән персонаж театрның хәзерге репертуарындагы спектакльләрдән дә («Зәңгәр шәл», «Хуҗа Насретдин» һ.б.), шулай ук архивтагы спектакльләрдән дә булырга мөмкин ("Әлдермештән Әлмәндәр», «Кара чикмән» һ.б.) 
2. Әзер фотосурәтне альбомга өстәргә. Бер катнашучы өчтән дә артык фото урнаштыра алмый. Күмәк фотолар аеруча да хуплана. Камал театры костюмнарын куллану тыела. 
3. Үз сәхифәгездә фотосурәтне түбәндәге хэштэглар белән урнаштырырга: #камал_косплей #камал_113_сезон #камалтеатрыняратам
4. Әгәр Сез әле Камал театры группасында юк икән, группага язылырга. 
5. Әлеге язманы үз сәхифәгезгә урнаштырырга. 

Конкурсны үткәрү этаплары: 
20 август – 12 сентябрь – фотосурәтләр кабул итү; 
13-16 сентябрь – жюри ярдәмендә 10 иң яхшы образны сайлау; 
17-30 сентябрь – Камал театры спектакле героен иң төгәл гәүдәләндергән катнашучыга театр группасында тавыш бирү; 
1 октябрь – җиңүчене игълан итү. Бүләкләү тантанасы - 113нче сезон ачылышында, 5 октябрьдә. 
Конкурсның төп бүләге– ВИП-абонемент – 113нче сезонның һәр премьерасына ике кешелек чакыру билетлары. 
Барыгызга да уңышлар!