Хөрмәтле студентлар! Студентлар көне уңаеннан Камал театры "Студентлар чәршәмбесе" акциясенең 3 көнгә озынайтылуы турында игълан итә. Әлеге махсус тәкъдимнең шартлары буенча Югары һәм махсус урта белем бирүче уку йортларында укучы студентлар, театр кассасында студент билеты күрсәткән очракта, 3 спектакльне ярты бәягә карый алалар. Акциядә "Банкрот" (24 гыйнвар), "Гөргөри кияүләре" (25 гыйнвар) һәм "Яшь йөрәкләр" (26 гыйнвар) спектакльләре катнаша. Акция шартлары партердагы билетларга гына тарала.

Белешмәләр өчен телефон: (843) 293-03-74. Касса адресы: Казан, Татарстан ур., 1 йорт. Эш вакыты: 10 сәгатьтән 19.30 сәгатькә кадәр. Театр администрациясе акция шартларына үзгәрешләр кертергә хокуклы.