23 сентябрьдә Грозный шәһәрендә Г.Камал исемендәге Татар дәүләт Академия театры Резеда Гобәева әсәре буенча Айдар Җаббаров сәхнәләштергән "Казанга Тукай кайткан" спектаклен тәкъдим итте.
Х.Нурадилов исемендәге Чечен театры директоры Хава Әхмәдова иҗат төркеменә фестиваль дипломын тапшырды. Чечен Республикасы Мәдәният министрының беренче урынбасары Мәдинә Шагидаева артистларны котлады һәм Театрыбызның баш режиссеры Фәрит Бикчәнтәевкә "Мәдәният өлкәсендә ирешкән уңышлары өчен" Чечен Республикасы медален тапшырды.