Бүген Камал театры директоры Илфир Илшат улы Якупов "Эшлекле идарә итү докторы" белгечлеге буенча чыгарылыш хезмәтен яклады. Фәнни хезмәтенең темасы: "Милли театрның үсеш концепциясе". Хезмәтнең максаты: милли театрлар үсеш стратегияләрен төзү, тамашачыны җәлеп итү юлларын барлау, яңа финанс ресурслары табу. Нәтиҗәдә киләсе 10 елда булачак чаралар исемлеге төзелде. Ул чараларны үткәрүнең һәр этабы адымлап язылды: тамашачыларның лояльлеге, электрон билетлар алуны гадиләштерү, проектларны краудфандинг платформасында тормышка ашыру, VR һәм AR технологияләрен куллану. Илфир Илшат улына планлаштырган максатларына итешүен телебез. Җитәкчебезнең уңышлары белән горурланабыз!