Бүген 79нчы лицей-интернатта Камал театры директоры Илфир Якупов Яр Чаллы шәһәре мәктәп директорлары урынбасарлары алдында чыгыш ясады. Чарада Яр Чаллы шәһәре Башкарма комитетының мәгариф идарәсе башлыгы Рөстәм Хуҗин да катнашты. Илфир Илшат улы яңа проект тәкъдим итте: мәктәп укучылары өчен театр спектакльләренең видеоязмаларын күрсәтү. 

Ул шулай ук "Шәрык клубы" интерактив мультимедиа комплексы эшчәнлеге турында да сөйләде. Очрашу барышында театр белән мәктәпләр арасында хезмәттәшлекне киңәйтүнең башка мөмкинлекләре дә билгеләнде.