Бүген ТР Иҗтимагый палатасында II Бөтенроссия «Тел, җәмгыять һәм мәгълүмат технологияләре» фәнни-гамәли конференциясе ачылды. Конференциянең пленар утырышында Камал театры директоры Илфир Якупов та чыгыш ясады. Илфир Илшат улы "Шәрык клубы" интерактив мультимедиа комплексы мисалында мәдәният һәм сәнгать өлкәсендә мәгълүмат технологияләрен куллану турында сөйләде.