Бүген Камал театры директоры Илфир Якупов онлайн режимда Кытайда узган Россия мәдәнияте фестивале кысаларында түгәрәк өстәлдә чыгыш ясады. Презентация вакытында Илфир Илшат улы Татар театры тарихы һәм Кытай белән уртак проектлар турында сөйләде.

Исегезгә төшерәбез, 2012 елда Камал театрында Кытай режиссеры Ма Джэньхон К.Гоцциның "Принцесса турандот" спектаклен сәхнәләштергән иде. 2014 елда театр "Җәйнең бер көнендә" спектакле белән Халыкара Шанхай фестивалендә катнашты. Ә 2018 елда без Нанкин шәһәрендә булдык һәм "Хәрәкәтләнүче дөньялар" фестивале кысаларында "Килмешәк" спектаклен күрсәттек.