16 июньдә VI "Нәүрүз" Халыкара театраль-белем бирү форумы кысаларында театраль тренингның яңа юнәлешләре буенча "Вызов разуму" Халыкара фәнни онлайн-конференциясенең икенче көне үтте. 

Конференциянең икенче көнендә 5 педагог доклад белән чыгыш ясады. Вебинарда барлыгы 200дән артык кеше катнашты. Конференция ZOOM онлайн-платформасында үтте һәм рус, инглиз телләренә синхрон тәрҗемә белән тәэмин ителде.

Конференция башында театр педагогы, фәнни редактор, продюсер Кристин Шмалор (Германия) барлык педагогларны, тыңлаучыларны сәламләде һәм беренче көн нәтиҗәле хакында сөйләде.

Артист, режиссер, язучы, педагог һәм продюсер Йоханнес Гартнер (Германия) «Перформатив дискурс. ХИС – МӘГЪНӘ – ҮЗЕҢНӘН кала БЕРНИ» дигән темага чыгыш ясады. 

Румыниядән доктор Думитриана Кондураче (Георга Энеску исемендәге Милли сәнгать Университетының Театр факультеты) «Бермә-бер ысул һәм аның яңа перспективалары» дигән теманы кузгатты. 

Язучы, театр эшлеклесе, академик Фелипе Сервера (Сингапур) «Бөтендөнья башкарма педагогикасы» дигән темага презентация күрсәтте. Башкарма педагогика өлкәсендәге эшчәнлеге белән кыскача уртаклашты. 

IDlab сәнгать җитәкчесе (Амстердам сәнгать университеты) Эрик Линт (Нидерланд) "Күп мәгънәле Медиа: киләчәккә тамырлар" дигән темага чыгыш ясады. Ул IDlab-та кулланылучы дидактика хакында сөйләде. 

AKT-ZENT/ITI Театраль тренинг институтының сәнгать җитәкчесе Юрий Альшиц (Германия) «Театр өлкәсеннән алып квант педагогикасына кадәр. Театраль белем бирүдә яңа ысуллар» дигән темага сөйләде. Ул соңгы елларда практикада кулланылган яңа ысуллар тәкъдим итте. Шуларның кайберләре:  «Рольнең вертикальлеге», «Бер рольгә 45 сорау» яки ALthattheatre.

Конференция азагында оештыручылар һәм укытучылар тыңлаучыларның сорауларына җавап бирде һәм икенче көнгә нәтиҗәләр ясады.