Галиәсгар Камал исемендәге Татар дәүләт Академия театры коллективы күптәнге дустыбыз, данлыклы режиссер Эймунтас Някрошюс хакындагы кайгылы хәбәрне тирән тетрәнү белән кабул итте. Безнең өчен бу әйтеп бетергесез зур югалту.

Эймунтас Някрошюс җитәкләгән "Мено Фортас" театры (Вильнюс, Литва), "Нәүрүз" фестивале кысаларында ике мәртәбә Камал театрына килгән иде. 2012 һәм 2013 елларда алар Казан тамашачысына "Идиот" һәм "Божественная комедия" спектакльләрен тәкъдим иттеләр. 2016 елда Литва режиссеры безнең театрны 110 яшьлек юбилее белән котлады... 

Эймунтас Някрошюсның якыннары, туганнары һәм аның иҗатын яратучы күпсанлы тамашачыларның, иҗатташларының, театр сәнгатенә битараф булмаган һәркемнең тирән кайгысын уртаклашабыз.