Кадерле тамашачылар! 

ТР Мәдәният министрының 17.03.2020 елда имзалаган 220нче номерлы боерыгы нигезендә, 2020 елның 15 апреленә кадәр оешмаларда тамашачыларга хезмәт күрсәтү туктатыла. Г.Камал исемендәге Татар дәүләт Академия театрында 19 марттан 15 апрельгә кадәр булырга тиешле спектакльләр күрсәтелмәячәк, башка массакүләм чаралар да үтмәячәк. "Исәнме, улым" спектакле (17 март) һәм Рузия Мотыйгуллинаның юбилей кичәсе (18 март) кичектерелми. Театрның кайчан эшли башлавы хакындагы яңалыкларны рәсми сайт kamalteatr.ru һәм социаль челтәрләрдән күзәтеп бара аласыз.

Билетларны кире кайтару буенча мәгълүмат:

19 марттан 15 апрельгә кадәр билет алган тамашачыларга билет бәясе тулысынча (100%) кире кайтарыла. Билетлар театр кассасыннан алынган булса, кире кассага тапшырыла. Кассаның адресы: Татарстан ур., 1; эш вакыты: дүш.-якш. 10:00дән 19:30 кадәр. Тел: +7 (843) 293-03-74. Онлайн-билет алган тамашачылар info@bileton.ru адресына билетны кире кайтару буенча хат юлларга тиеш. Билет операторларыннан (Kassir.ru, Тикетлэнд һ.б) алынган билетлар үзләренә кайтарыла.

6 апрельдә Камал театры сайтында спектакльләрне онлайн форматта һәм видеоязма рәвешендә күрсәтү сезоны башлана. Онлайн-трансляция репертуары 1 апрельдә игълан ителә. Онлай-спектакльләргә билетлар да 1 апрельдән сатуга чыга.

Исегезгә төшерәбез, kamalteatr.ru интернет-кибет эшли. Мөмкин булган кадәр бу көннәрне өйдә үткәрегез, кулларыгызны ешрак юыгыз, үзегезне һәм якыннарыгызны саклагыз!

Күрешкәнгә кадәр!

Хөрмәт белән, Камал Театры!